لاس اینجلس: مقبول امریکی کامیڈین بیٹی وائٹ 100 برس مکمل ہونے سے چند ہی دن قبل انتقال کر گئیں۔
تفصیلات کے مطابق مشہور امریکی کامیڈین بیٹی وائٹ گزشتہ روز اپنے گھر پر صبح کے وقت انتقال کر گئیں، 17 جنوری کو ان کے سو برس مکمل ہونے والے تھے۔
مشہور کامیڈی سٹ کامز ‘دی گولڈن گرلز’ اور ‘دی میری ٹائلر مور شو’ میں اپنی اداکاری سے ٹی وی ناظرین کو محظوظ کرنے والی کامیڈین بیٹی وائٹ کا شوبز کی تاریخ کا طویل ترین کیریئر رہا۔
بیٹی وائٹ نے کم و بیش 7 دہائیوں تک کام کیا، انھوں نے ٹی وی کیریئر کا آغاز 1949 میں کیا تھا اور 2019 میں "ٹوائے اسٹوری 4” میں ایک کردار کے لیے اپنی آواز دی۔
My 100th birthday… I cannot believe it is coming up, and People Magazine is celebrating with me! The new issue of @people is available on newsstands nationwide tomorrow. https://t.co/kTQnsbMDGK
— Betty White (@BettyMWhite) December 28, 2021
امریکی صدر جو بائیڈن نے کامیڈین بیٹی وائٹ کو خراج عقیدت پیش کرتے ہوئے اپنے ٹوئٹ میں لکھا کہ ‘بیٹی وائٹ امریکیوں کی نسلوں کے ہونٹوں پر مسکراہٹ لے کر آئیں، وہ ایک ثقافتی آئیکون ہیں جن کی بہت کمی محسوس کی جائے گی۔’
Betty White brought a smile to the lips of generations of Americans. She’s a cultural icon who will be sorely missed. Jill and I are thinking of her family and all those who loved her this New Year’s Eve.
— President Biden (@POTUS) December 31, 2021
اپنی موت سے محض دو دن قبل 28 دسمبر کو بیٹی وائٹ نے اپنا آخری ٹوئٹ کیا، جس میں انھوں نے لکھا کہ مجھے یقین نہیں ہو رہا کہ میری سوویں سال گرہ آ رہی ہے، پیپلز میگزین میری سال گرہ منائے گا۔
