بھکر: جھنگ روڈ پر منکیرہ کے نزدیک گاڑی اور ڈالے میں خوفناک تصادم کے نتیجے میں 4 افراد جاں بحق اور 8 زخمی ہوگئے۔
تفصیلات کے مطابق بھکر میں جھنگ روڈ منکیرہ کے قریب وین اور ڈالے میں تصادم ہوا، حادثے میں خاتون سمیت 4 افراد جاں بحق جبکہ 8 افراد زخمی ہوگئے۔
ریسکیو ذرائع کا کہنا ہے کہ زخمیوں میں خواتین اور بچے بھی شامل ہیں، 4 زخمیوں کی حالت نازک بتائی جارہی ہے جبکہ لاشوں اور زخمیوں کو ریسکیو ٹیموں نے گاڑی کاٹ کر نکالا۔
- Advertisement -
ریسکیو ذرائع کے مطابق زخمیوں کو ٹی ایچ کیو اسپتال منکیرہ منتقل کردیا گیا، حادثہ وین کا ٹائر پھٹنے کے باعث پیش آیا۔
