بالی ووڈ کے ایکشن ہیرو اجے دیوگن اور اداکارہ تبو کی فلم ’بھولا‘ کا ٹریلر ریلیز کردیا گیا ہے۔
بالی ووڈ اداکار اجے دیوگن کی فلم ’بھولا‘ کی کاسٹ میں سنجے مشرا، رائے لکشمی، تبو، مرکند دیش پانڈے اداکاری کے جوہر دکھائیں گے جبکہ ابھیشک بچن بھی بطور مہمان اداکار جلوہ گر ہوں گے۔
فلم کی ہدایت کاری کے فرائض اجے دیوگن نے انجام دیے ہیں جبکہ بھولا 30 مارچ کو سنیما گھروں کی زینت بنے گی۔
’بھولا‘ کی کہانی اجے دیوگن اور ایک بچی کے گرد گھومتی ہے جب دس سال بعد وہ جیل سے رہا ہو کر اپنی بیٹی سے ملنے پہنچتے ہیں۔ اجے کو راستے میں گرفتار کرلیا جاتا ہے جس پر ان کا سفر مزید کٹھن ہوجاتا ہے کیا وہ بیٹی سے مل سکیں گے؟
واضح رہے کہ اجے دیوگن کی فلم ’بھولا‘ تامل فلم ’کائتھی‘ کا ری میک ہے جس میں فلم بین اجے دیوگن کی اداکاری دیکھنے کے لیے بے تاب ہیں۔
ڈھائی منٹ کے ٹیزر میں اجے دیوگن اور پولیس افسر تبو کے درمیان لڑائی دکھائی گئی ہے جب اجے خود کو جرائم کی دنیا میں گھرے ہوئے پاتے ہیں۔
ٹریلر میں گانے ’آج بھر جینے کی تمنا ہے‘ میں ڈراؤنی دھن کو شامل کیا گیا ہے جو ٹریلر کی دلچسپی میں اضافہ کررہی ہے۔
View this post on Instagram
شائقین اجے دیوگن کی اس فلم کے ٹریلر پر تبصرے بھی کررہے ہیں، ایک صارف نے لکھا کہ ’میں نے ’کائتھی‘ تین بار دیکھی ہے لیکن بھولا کے لیے بہت پرجوش ہوں۔‘
دوسرے صارف نے لکھا کہ ’تبو سپر اسٹار ہیں، اجے کی یہ فلم بلاک بسٹر ثابت ہوگی۔
واضح رہے کہ اس سے قبل اجے دیوگن اور تبو فلم وجے پتھ، حقیقت، تھکشک، دریشم، گول مال اگین، دے دے پیار دے، اور بلاک بسٹر دریشم ٹو میں اداکاری کے جوہر دکھا چکے ہیں۔