دمشق : شام کے دارالحکومت دمشق میں تین بم دھماکوں میں 60 سے زائد افراد جاں بحق ہوگئے ، اور زخمیوں کی تعداد ایک سو دس سے تجاوز کرچکی ہے۔ ان دھماکوں کی ذمہ داری داعش نے قبول کرلی ہے۔
تفصیلات کے مطابق شام کے دارالحکومت دمشق میں دہشت گردوں نے پبلک ٹرانسپورٹ گیرج کے پاس ایک کار بم دھماکہ کیا، جس سے متعدد افراد زخمی ہوگئے۔
ابھی امدادی کارروائیاں جاری ہی تھیں اور لاتعداد لوگوں کی موجودگی کےدوران دو خود کش بمباروں نے مزید دھماکے کردیئے۔
واضح رہے کہ حضرت بی بی زینبؓ کا مزار قریب ہی واقع ہے، دھماکے اتنے شدید تھے کہ آس پاس کی کئی عمارتوں میں آگ گئی، اور قریب کھڑی کئی گاڑیاں بھی تباہ ہوگئیں۔
سرکاری ٹی وی SANA کے مطابق لاشوں کو ملبے سے نکالا جا رہا ہے۔
یاد رہے کہ ماضی میں بھی اس جگہ کو تین بار نشانہ بنایا جاچکا ہے۔ شام میں گزشتہ کئی سالوں سے فرقہ وارانہ کشیدگی جاری ہے۔
محتاط اندازے کے مطابق ڈھائی لاکھ افراد اپنی جان گنوا بیٹھے ہیں اور تقریباً ایک کروڑ سے زائد لوگ اپنے گھروں سے بے گھر ہوچکے ہیں۔
Video: Moments after Suicide attks near shrine of Hazrat Zeynab in #Damascus #Syria pic.twitter.com/qSqjMyOYTb
— Zain Ul Abidin (@Abidin_Xain) January 31, 2016
Chat Conversation End
