اسلام آباد: بلوچستان عوام کے لیے نہایت ضروری ژوب سے کچلاک شاہراہ پر کام کے لیے بولی کا عمل جاری ہے۔
اے آر وائی نیوز کے مطابق وزیر اعظم کے معاون خصوصی اور چیئرمین سی پیک اتھارٹی عاصم سلیم باجوہ نے آج ٹویٹ میں لکھا کہ ژوب سے کچلاک شاہراہ پر کام کے لیے بولی کا عمل جاری ہے۔
عاصم سلیم باجوہ کا کہنا تھا کہ یہ شاہراہ مغربی روٹ کا حصہ ہے اور یہ بلوچستان کےعوام کے لیے بہت ضروری ہے۔
Bidding process under way for Raod Zhob to Kuchlak(Quetta)-part of Western route-a dire need of Balochistan’s people.Also per plans,section DIK-Zhob being processed for JCC for Chinese funding,on completion,Isd&Qta will be connected through expressway #CPEC #cpecmakingprogress pic.twitter.com/LZvdNKQb7s
— Asim Saleem Bajwa (@AsimSBajwa) July 19, 2020
انھوں نے مزید لکھا کہ منصوبے کے مطابق ڈیرہ اسماعیل خان سے ژوب تک کا سیکشن چینی فنڈنگ کے لیے جوائنٹ کوآرڈنیشن کمیٹی (جے سی سی) کو بھیجا جا رہا ہے، اس کی تکمیل پر اسلام آباد اور کوئٹہ ایکسپریس وے کے ذریعے منسلک ہو جائیں گے۔
306 کلو میٹر طویل سکھر حیدرآباد موٹر وے، عاصم باجوہ کا اہم ٹویٹ
گزشتہ روز عاصم سلیم باجوہ نے ایک ٹویٹ میں کہا تھا کہ ایکنک سے 306 کلو میٹر طویل سکھر حیدرآباد ایم 6 موٹر وے منظور ہو چکا ہے، ایم 6 موٹر وے کی تعمیر سے زیریں سندھ میں سماجی و اقتصادی ترقی آئے گی، موٹر وے کی تکمیل سے کراچی سے پشاور تک مشرقی روٹ مکمل ہو جائے گا اور بلوچستان موٹر ویز نیٹ ورک سے منسلک ہو جائے گا۔
