امریکی صدر جوبائیڈن نے اسرائیل، یوکرین، تائیوان کیلئے امدادی پیکج بل پر دستخط کر دیئے۔
امریکی سینیٹ نے اسرائیل، یوکرین اور تائیوان کی فوجی امدادی پیکیج کی منظوری دی تھی۔ امریکی سینیٹ مجموعی طور پر 95 ارب ڈالر کے امدادی پیکج کی منظوری دی تھی۔
بین الاقوامی میڈیا رپورٹس کے مطابق اسرائیل کیلئے 26ارب، یوکرین کیلئے 61 ارب اور تائیوان کو 8 ارب ڈالرز دیئےجائیں گے۔
جو بائیڈن نے بدھ کے روز کہا کہ انہوں نے بل پر دستخط کیے ہیں جس میں یوکرین، اسرائیل اور تائیوان کو 95 بلین ڈالر کی غیر ملکی امداد بھیجی جائے گی۔
سینیٹ نے منگل کی رات دیر گئے 79 سے 18 ووٹوں میں بھاری اکثریت سے اس اقدام کو منظور کیا تھا۔ وائٹ ہاؤس نے سب سے پہلے اکتوبر میں کانگریس کو غیر ملکی امدادی پیکج کے لیے اپنی درخواست بھیجی تھی اور امریکی حکام نے کہا کہ کئی مہینوں کی تاخیر نے میدان جنگ میں یوکرین کو نقصان پہنچایا۔
