متحدہ عرب امارات (یو اے ای) کے صدر شیخ محمد بن زاید النہیان گزشتہ روز امریکہ کے سرکاری دورے کے آغاز پر وائٹ ہاوس پہنچے۔
عرب خبر رساں ادارے وام کے مطابق وائٹ ہاؤس آمد پر امریکی صدر جو بائیڈن نے متحدہ عرب امارات (یواے ای) کے صدر شیخ محمد بن زاید النہیان کا بھرپور خیر مقدم کیا۔
متحدہ عرب امارات کے صدر نے دونوں ممالک کے درمیان تعلقات پر تبادلہ خیال کے لیے امریکی صدر بائیڈن سے ملاقات کی۔
وائٹ ہاؤس میں ہونے والی اس اہم ملاقات میں امارات اور امریکہ کے درمیان سٹریٹجک شراکت کو مزید وسعت دینے کے مواقع کا جائزہ لیا گیا۔
ملاقات میں دونوں ملکوں کے درمیان تاریخی دوستی کو مضبوط بنانے، معیشت، تجارت، سرمایہ کاری، ٹیکنالوجی، مصنوعی ذہانت، توانائی، موسمیاتی تبدیلی اور سپیس کے شعبے شامل ہیں۔
’امریکا لبنان میں کشیدگی کم کرنے کی کوشش کر رہا ہے‘
وائٹ ہاؤس کے ایک عہدیدار کا کہنا تھا کہ متحدہ عرب امارات کے صدر اور امریکی نائب صدر کملا ہیرس کے درمیان بھی ملاقات ہوگی، جس میں غزہ کی صورتحال پر تبادلہ خیال کیا جائے گا۔
