The news is by your side.

Advertisement

بائیڈن کے گھر کی فضائی حدود پروازوں کے لیے بند

واشنگٹن: ری پبلکن پارٹی کے صدارتی امیدوار جوبائیڈن کی ممکنہ کامیابی پر سیکرٹ سروس متحرک ہوگئی ہیں، بائیڈن کے گھر کی فضائی حدود پروازوں کے لیے بند کر دی گئی ہے۔

بین الاقوامی میڈیا رپورٹ کے مطابق جو بائیڈن کی ممکنہ کامیابی کے پیشِ نظر امریکی سیکرٹ سروس نے اپنے مزید اہلکار ڈیلاویئر کے شہر ولمنگٹن پہنچادیئے ہیں، جبکہ جو بائیڈن کے گھر کی فضائی حدود پروازوں کے لیے بند کر دی گئی ہے۔

امریکی میڈیا کا کہنا ہے کہ امریکا میں صدارتی انتخاب میں کامیابی کی صورت میں نامزد صدر کی سیکیورٹی موجودہ صدر کے برابر کردی جاتی ہے، جوبائیڈن کیلئے اضافی فضائی سیکیورٹی اقدامات بھی لاگو کر دیئے گئے ہیں۔

واضح رہے کہ امریکا میں تین نومبر کو ہونے والے صدارتی انتخاب کے نتائج آنے کا سلسلہ جاری ہے اور اب صرف پانچ ریاستوں پنسلوانیا، ایریزونا، جارجیا، نیواڈا اور الاسکا کے نتائج آنا باقی ہیں، اکیلے پنسلوینیا میں کامیابی ہی جو بائیڈن کو وائٹ ہاؤس تک پہنچا دے گی۔

یہ بھی پڑھیں:  پنسلوینیا میں جوبائیڈن ٹرمپ سے آگے نکل گئے

اس وقت غیر حتمی غیر سرکاری نتائج کے مطابق جوبائیڈن 264 الیکٹورل ووٹوں کے ساتھ مضبوط پوزیشن میں ہیں جبکہ ڈیموکریٹ کے امیدوار اور امریکی صدر ٹرمپ 214 ووٹ ہی حاصل کرسکے۔

Comments

یہ بھی پڑھیں