اسلام آباد : ملک میں تیل و گیس کی تلاش کیلئے کمپنیوں سے بولیاں طلب کرلی گئیں، کمپنیاں ابتدائی طور پر تین سال میں 2کروڑ 32 لاکھ ڈالر کی سرمایہ کاری کریں گے۔
تفصیلات کے مطابق پٹرولیم ڈویژن کی جانب سے بیان میں کہا گیا ہے کہ ملک میں تیل و گیس کی تلاش کیلئے بولیاں کھول دی گئیں، جس میں 10بلاکس سے تیل و گیس کی تلاش کیلئے کمپنیوں سے بولیاں طلب کی گئیں۔
پٹرولیم ڈویژن نے اعلامیے میں کہا کہ مجموعی طور پر 6 آن شور بلاکس کے لیے بولیاں موصول ہوئی ہیں ، کمپنیاں ابتدائی طور پر تین سال میں 2کروڑ 32 لاکھ ڈالر کی سرمایہ کاری کریں گے۔
- Advertisement -
اعلامیے میں کہنا ہے کہ ہر کمپنی متعلقہ بلاک کے علاقے میں سماجی سرگرمیوں پر سالانہ 5 لاکھ 40ہزار ڈالر خرچ کرے گی۔
