The news is by your side.

Advertisement

ذخیرہ اندوزی کے خلاف بڑی کارروائی، ڈیڑھ کروڑ مالیت کی چینی برآمد

منچن آباد: پنجاب میں متعلقہ ادارے نے اہم کارروائی کرتے ہوئے ڈیڑھ کروڑ روپے مالیت کی ذخیرہ کی گئی چینی کی بوریاں برآمد کرلیں۔

تفصیلات کے مطابق پنجاب کے شہر منچن آباد میں اسپیشل برانچ کی نشاندہی پر اسسٹنٹ کمشنر نے کارروائی کی۔ اس دوران ابوبکر چوک میں گودام میں ذخیرہ کی گئی چینی کی بوریاں برآمد کیں۔

گودام میں ذخیرہ کی گئی چینی کی مالیت ڈیڑھ کروڑ روپے ہے۔ اسسٹمنٹ کمشنر مزمل الیاس کا کہنا ہے کہ گودام مالک کے خلاف مقدمہ درج کرکے کارروائی کا آغاز کردیا گیا ہے۔

یاد رہے کہ دو فروری کو سندھ میں ذخیرہ اندوزوں کے خلاف سب سے بڑی کارروائی سامنے آگئی تھی۔ اس دوران ایک لاکھ سے زائد چینی کی بوریاں برآمد کی گئی تھیں۔

حکومت گندم کی ذخیرہ اندوزی کو روکنے کے لیے اقدامات کر رہی ہے،خسرو بختیار

واضح رہے کہ وزیراعظم عمران خان کی ہدایت پر ذخیرہ اندوزوں اور ملاوٹ کرنے والوں کیخلاف آپریشن تیز کردیا گیا ہے، ذخیرہ اندوز اور ملاوٹ کرنے والے خلاف کریک ڈاؤن جاری ہے۔

fb-share-icon0
Tweet 20

Comments

comments

یہ بھی پڑھیں