آسٹریلیا نے بگ بیش لیگ میں نئی ٹیکنالوجی متعارف کروادی۔
بگ بیش لیگ میں نئی ٹیکنالوجی کا استعمال کیا گیا ہے جس کے مطابق اگر بولر کا پاؤں لائن سے باہر گیا تو اسٹمپس لال ہوجائیں گی اور یہ نوبال قرار دی جائے گی۔
کھلاڑی کے آؤٹ ہونے پر آگ جیسی روشنی نکلے گی۔
میچ کے دوران چوکوں، چھکوں اور اوور کے درمیان بھی اسٹمپس مختلف رنگ بکھیریں گے۔
For the first time in the BBL…
The electra stumps are on show #BBL13 pic.twitter.com/A6KTcKg7Yg
— KFC Big Bash League (@BBL) December 22, 2023
واضح رہے کہ آج کھیلے جانے والے بگ بیش لیگ کے 11ویں میچ میں سڈنی سکسرز نے ایڈیلیڈ اسٹرائیکرز کو سنسنی خیز مقابلے کے بعد ایک رن سے شکست دے دی۔
جورڈن سلک کو 56 رنز کی ناقابل شکست اننگز کھیلنے پر میچ کا بہترین کھلاڑی قرار دیا گیا۔
سڈنی سکسرز نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 155 رنز بنائے تھے جواب میں ایڈیلیڈ اسٹرائیکرز کی ٹیم 6 وکٹوں کے نقصان پر 154 رنز بناسکی۔
