کراچی کے تاجروں نے ہفتہ 5 جون 2021 سے تمام مارکیٹیں احتجاجاً رات 8 بجے تک کھولنے کا اعلان کر دیا۔
کراچی تاجر ایکشن کمیٹی کے اجلاس میں متفقہ فیصلہ کیا گیا ہے کہ کل سے شہر بھر کی مارکیٹیں رات 8 بجے تک کھلی رکھی جائیں گی، انتظامیہ اور پولیں نے تاجروں کے ساتھ زیادتی کی یا مارکیٹ سیل کی تو تاجر سڑکوں پر احتجاج کریں گے۔
ایکشن کمیٹی کا کہنا ہے کہ مارکیٹیں رات آٹھ بجے تک کھلیں گی حکومت نے گرفتاریاں کرنی ہے تو جیل بھی جانے کو تیار ہیں، آئندہ ہفتے مارکیٹیں ایک دن بند رکھنے کے حوالے سے بھی فیصلہ کیا جا ئے گا۔
کراچی کے تاجروں کی تمام تنظیمیں ایک پلیٹ فارم پر جمع ہوئیں اور تمام تاجروں نے نوتشکیل شدہ تنظیم کی وفاداری کا حلف اٹھایا۔
رضوان عرفان کو کنوینیر، جمیل پراچہ دپٹی کنوینیر،عتیق میر دپٹی کنوینیر ،شرجیل گوپلانی دپٹی کنوینیر،حکیم شاہ دپٹی کنوینیر، وقاص عظیم دپٹی کنوینیر اور رانا رئیس کو ایکشن کمیٹی کا ڈپٹی کنوینیر مقرر کیا گیا ہے۔
تاجر ایکشن کمیٹی میں مارکیٹوں، مالز،شادی ہال، ہوٹل، بینکوئٹ تنظیموں کے نمائندے مشترکہ پلیٹ پر جمع ہوئے تھے۔
