تہران: ایران میں کرونا ویکسین کا اینیمل ٹیسٹ اور ٹرائل کامیاب ہونے کے بعد بہت جلد اس کا ہیومن ٹرائل کیا جائے گا۔
ایرانی وزیر صحت کے مطابق ماہرین کی کئی ٹیمیں کرونا ویکسین کی تیاری میں نہ صرف مصروف ہیں بلکہ اس میں خاصی پیشرفت بھی حاصل ہوئی ہے۔
وزیر صحت سعید نمکی نے کرونا ویکسین بنانے کے لیے 57 تحقیقاتی ٹیموں کی سرگرمیوں کے بارے میں بتاتے ہوئے کہا کہ اینٹی کرونا تحقیقات کے عمل میں ایران عالمی سطح پر غیر معمولی طور پر سرگرم عمل ہے اور تحقیقاتی نتائج میں اپنا کردار ادا کر رہا ہے۔
انہوں نے کہا کہ کرونا ویکسین کا اینیمل ٹیسٹ اور ٹرائل کامیاب ہونے کے بعد بہت جلد اس کا ہیومن ٹرائل کیا جائے گا۔
واضح رہے کہ دنیا میں اب تک کرونا مریضوں کی تعداد ایک کروڑ 40 لاکھ تک پہنچ چکی ہے جن میں سے 5 لاکھ 93 ہزار مریض جان کی بازی ہار چکے ہیں اور 82 لاکھ 94 ہزار سے زائد مریض صحت یاب ہو کر اسپتالوں سے ڈسچارج ہوچکے ہیں۔
