لاہور: ایک ارب 37 کروڑ روپے کے کرپشن اسکینڈل میں بڑی پیشرفت سامنے آئی ہے۔ قومی احتساب بیورو (نیب) نے مفرور مرکزی ملزم ذاکر حسین کو گرفتار کر لیا۔
نیب ترجمان کے مطابق ملزم نے 250 کنال اراضی اپنے اور بے نامی داروں کے نام منتقلی کی، اس نے محکمہ مال کے ملازمین کی ملی بھگت سے جعلی کاغذات تیار کیے۔
ترجمان کے مطابق سینکڑوں کنال قیمتی اراضی مشہور ہاؤسنگ سوسائٹی کے ساتھ ملحق تھی، ملزم عام شہریوں کی ملکیتی اراضی جعل سازی سے منتقل کرواتا رہا۔
نیب نے بتایا کہ ہتھیائی گئی 250 کنال اراضی میں سے 170 کنال بعد میں فروخت کی گئی، تحقیقات میں ملزمان کے نام 80 کنال اراضی تاحال موجود ہونے کا انکشاف ہوا۔
احتساب بیورو نے بتایا کہ ملزم ذاکر حسین کو جسمانی ریمانڈ کیلیے کل احتساب عدالت میں پیش کیا جائے گا۔
