اسلام آباد : ماہانہ 300 یونٹ تک بجلی استعمال کرنے والے صارفین کے بڑی خوشخبری آگئی۔
تفصیلات کے مطابق نیپرا نے ماہانہ ایڈجسٹمنٹ میں کمی کے ریلیف سے متعلق پاور ڈویژن کی درخواست منظورکرلی۔
کراچی سمیت ملک بھر کے 300 یونٹ تک گھریلو اور زرعی ٹیوب ویل صارفین کے لیے کمی کی منظوری دیدی گئی ہے۔
اس ایڈجسٹمنٹ میں کمی کا اطلاق 300 یونٹ تک گھریلو صارفین کیلئے منظور کیا گیا ہے، بجلی کی قیمت میں کمی کا فائدہ نان پروٹیکٹڈ گھریلو صارفین کو ملے گا۔
نیپرا نے زرعی ٹیوب ویل صارفین کیلئے بھی ماہانہ ایڈجسٹمنٹ میں کمی کی منظوری دے دی۔
پاورڈویژن نے ماہانہ ایڈجسٹمنٹ میں کمی کے ریلیف سے متعلق نیپرا کو خط لکھا تھا تاہم ماہانہ 100 یونٹ تک لائف لائن گھریلو صارفین اور ماہانہ 200 یونٹ تک پروٹیکٹڈ گھریلو صارفین کو ماہانہ ایڈجسٹمنٹ میں کمی کا فائدہ نہیں ملے گا۔
جون 2015 میں 300 یونٹ تک والے صارفین کو کمی کا فائدہ روک دیا گیا تھا جبکہ دسمبر 2010میں زرعی ٹیوب ویل کو ماہانہ فیول ایڈجسمنٹ میں کمی ختم کردی گئی تھی۔
