رئیلٹی شو ’بگ باس‘ کے آئندہ سیزن 18 کی میزبانی کیلئے بالی وڈ اداکار سلمان خان کے معاوضے سے متعلق انکشاف نے تہلکہ مچادیا۔
’بگ باس‘ کا 18 واں سیزن آنے والا ہے اور سیزن 18 کی میزبانی کے فرائض سلمان خان سر انجام دیں گے جس کا دھماکہ خبر پرومو بھی جاری کردیا گیا ہے، اس شو میں کئی مشہور شخصیات شرکت کرنے والے ہیں۔
پرومو کو جدید ٹیکنالوجی اے آئی کی مدد سے بنایا گیا ہے جس میں سلما خان کو 3 روپ میں دیکھا گیا، تاہم اب بھارتی میڈیا پر سلمان خان کے سیزن 18 کے معاوضے سے متعلق خبر گردش کررہی ہیں۔
View this post on Instagram
اس نئے سیزن کیلئے سلمان خان کے معاوضہ کی بات کی جائے تو بھارتی میڈیا رپورٹ کی جانب سے یہ دعویٰ سامنے آیا ہے کہ سلمان خان سیزن 18 کی میزبانی کے لیے ہر مہینے 60 کروڑ روپے چارج کر رہے ہیں جبکہ اگر یہ سیزن 15 ہفتے تک چلتا ہے، تو سلمان خان کو تقریباً 250 کروڑ روپے مل سکتے ہیں۔
بھارتی میڈیا کا کہنا ہے کہ سلمان خان کا یہ معاوضہ فلم باہوبلی 2، جوان، لیو، استری 2 اور اینیمل کے بجٹ سے بھی زیادہ ہے۔
بگ باس کا گرینڈ پریمیئر 6 اکتوبر 2024 کو ’کلرز ٹی وی‘ پر نشر کیا گیا جس سے یہ واضح تھا کہ اس بار بگ باس کا گھر پہلے سے زیادہ بڑا اور بہتر ہوگا جس میں کوئی جم نہیں ہے اور تھیم ماضی، حال اور مستقبل پر مبنی ہے۔