site
stats
سندھ

کراچی میں جنوبی ایشیاء کے سب سے بڑے ڈانسنگ فاؤنٹین کا افتتاح

کراچی : بحریہ ٹاؤن نے کراچی کے شہریوں کو بڑا تحفہ دے دیا، جنوبی ایشیاء کے سب سے بڑے ڈانسنگ فاؤنٹین کاافتتاح کردیا گیا، بحریہ ٹاؤن کے چیئرمین ملک ریاض نے کہا ہے کہ بحریہ فاؤنٹین پاکستان میں سیاحت کی بحالی میں بحریہ ٹاؤن کے عزم کا مظہر ہے۔

تفصیلات کے مطابق بحریہ ٹاون کراچی نے ایک سو اسی فٹ اونچائی کو چھوتا ہوا ایل ای ڈی لائٹس سے روشن جنوبی ایشیا کے سب سے بڑے فاؤنٹین کا افتتاح کردیا، رنگ برنگے اس فوارے میں ڈھائی سو سے زیادہ جیٹ لگائے گئے ہیں۔

ایک سو اسی فٹ اونچائی کو چھوتے والے واٹرجیٹ اور دو واٹراسکرینز فاونٹین کی خوبصورتی کو اور بھی بڑھا رہے ہیں، فوارے کو بین الاقوامی شہرت یافتہ ماہرین نے ڈیزائن کیاہے جس نے کراچی والوں کے دل جیت لئے۔


ترجمان بحریہ ٹاؤن عبدالحسیب کے مطابق ساڑھے تین سو ایل ای ڈی لائٹنگ، لیزر، فلیم تھرو فاؤنٹین کا حصہ ہیں، یہ کراچی کےشہریوں کیلئےبڑاتحفہ ہے ۔

یاد رہے کہ تیئس مارچ کو بحریہ فاؤنٹین کی آزمائش کی جاچکی ہے۔ ا س موقع پر ملک ریاض نے کہا کہ بحریہ فاؤنٹین سیاحت کی بحالی میں بحریہ ٹاؤن کے عزم کا مظہر ہے۔

ملک ریاض نے بتایا کہ بحریہ ٹاؤن میں250 سے زائد فاؤنٹین جیٹ لگائے گئے ہیں، فوارے کو بین الاقوامی شہرت یافتہ ماہرین نے ڈیزائن کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top