تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

بھارت، خاتون ڈائن قرار دے کر قتل

نئی دہلی: بھارتی ریاست بہار کے ضلع گووند پور میں شہریوں نے خاتون کو ڈائن قرار دے کر قتل کر دیا۔

بھارتی میڈیا رپورٹ کے مطابق بھارتی ریاست بہار کے ضلع کے گووند پور تھانے کی حدود میں واقع کوئلی گڑھ گاؤں میں منگل کے روز چند لوگوں نے ایک خاتون کو پراسرار مخلوق (ڈائن) قرار دیا اور پھر اُسے بہیمانہ تشدد کا نشانہ بنایا۔

پولیس حکام کے مطابق پچاس سالہ خاتون کی شناخت منتی دیوی کے نام سے ہوئی جس کا پیٹ چاک کر کے اُسے قتل کیا گیا، لاش کو قبضے میں لے کر اسپتال منتقل کیا گیا۔

انہوں نے بتایا کہ خاتون پرساد مانجھی نامی شخص کی اہلیہ تھیں، مقتولہ کے شوہر نے 12 لوگوں کے خلاف مقدمہ درج کرنے کی درخواست دائر کی جس میں انہوں نے برجو مانجھی، سریش مانجھی، نریش مانجھی، کارو مانجھی، کنا مانجھی، انیل مانجھی، تلسی مانجھی، سکھ دیو اور سنجے مانجھی کو نامزد کیا۔

پولیس آفیسر جیوتی پنچ کا کہنا تھا کہ قتل میں ملوث تین افراد کو حراست میں لے کر تفتیش شروع کردی گئی جبکہ دیگر افراد کی گرفتاری کے لیے چھاپے مارے جارہے ہیں۔

مقتولہ کے شوہر پرساد مانجھی کا کہنا تھا کہ ان کی بیوی منگل کی صبح جب پانی لانے کے لئے گئیں تو وہاں پر پہلے سے موجود ملزمان نے ڈائن کا الزام لگا کر تشدد شروع کردیا۔

Comments

- Advertisement -