بھارت کی ریاست آندھرا پردیش میں خوفناک ٹریفک حادثہ پیش آیا جہاں تیز رفتار بائیک پُل کی دیوار سے ٹکرا گئی۔
سوشل میڈیا پر شہر وشاکھاپٹنم میں پیش آئے ٹریفک حادثے کی ویڈیو وائرل ہو رہی ہے جس میں تیز رفتار بائیک سوار نوجوانوں کو موت کے منہ میں جاتے ہوئے دیکھا جا سکتا ہے۔
پُل پر نصب سی سی ٹی وی میں حادثے کا دلخراش منظر ریکارڈ ہوا جس میں دیکھا جا سکتا ہے نوجوان فلائی اوور پر تیز رفتاری سے بائیک چلاتے ہوئے جا رہی ہیں اور ایک موقع پر انہیں سامنے رکاوٹ نظر آتی ہے۔
In a tragic road Accident, three youths riding a bike, that lost control and hit the parapet wall of the NAD flyover, resulting in two youths died and one injured seriously, after falls off the flyover in Visakhapatnam . pic.twitter.com/HbWv3QDOY8
— Ankit Paliwal (@ankit_reporter) May 12, 2024
نوجوانوں نے بائیک کو بریک لگا کر روکنے کی کوشش کی لیکن تب تک بہت دیر ہو چکی تھی۔ بائیک دیوار سے ٹکرا کر پُل پر ہی گر گئی لیکن اس پر سوار تین نوجوان نیچے جا گرے جن میں سے دو کی موت ہوگئی۔
پولیس کے مطابق بائیک پر تین لڑکے سوار تھے جنہیں حادثے کے فوری بعد اسپتال منتقل کیا گیا لیکن ان میں سے دو ہلاک ہو چکے تھے اور ایک شدید زخمی حالت میں زیرِ علاج ہے۔
نوجوانوں سے متعلق یہ خبریں بھی سامنے آئیں کہ وہ نشے کی حالت میں بائیک چلا رہے تھے۔
