بنگلورو میں ریپیڈو بائیک ٹیکسی رائیڈر کی جانب سے مبینہ طور پر ایک خاتون پر حملہ کرنے اور اسے تھپڑ مارنے کی ویڈیو سامنے آگئی ہے۔
بائیک رائیڈر کی طرف سے خاتون کو تھپڑ مار کرگرادیا گیا تھا، اس ویڈیو کے سامنے آنے کے چند گھنٹوں بعد ہی بھارتی سوشل میڈیا صارفین میں غم و غصہ پھیل گیا، ایک مصروف سڑک پر پیش آنے والا یہ چونکا دینے والا واقعہ کیمرے میں قید ہو گیا اور سوشل میڈیا پر وائرل ہو گیا۔
وائرل ویڈیو میں خاتون کو تھپڑ مارنے کے بعد زمین پر گرتے ہوئے دیکھا جا سکتا ہے، تاہم ریپیڈو بائیک رائیڈر کو واضح طور پر ویڈیو میں نہیں دیکھا جا سکتا۔
Bengaluru @rapidobikeapp bike rider slaps customer as she allegedly questions him over rash driving and jumping signal
Lady falls to the ground after Rapido rider slaps her hard pic.twitter.com/eM4aec1NzW— nikesh singh (@nikeshs86) June 16, 2025
خاتون ایک جیولری اسٹور میں سیلز ایسوسی ایٹ کے طور پر کام کرتی ہے، وہ مبینہ طور پر بائیک رائیڈ ایپ کے ذریعے اپنی جاب پر جارہی تھی، اس دوران ڈرائیور کی لاپروائی سے ڈرائیونگ اور بار بار سگنل کی خلاف ورزیوں سے وہ ڈرائیور سے ناراض ہو گئی۔
بات پہلےل زبانی تکرار کے طور پر شروع ہوئی تھی، بعدازاں مبینہ طور پر بائیک رائیڈر نے خاتون کو پوری طاقت سے تھپڑ مارا کہ وہ زمین پر گر گئی۔
پولیس حکام نے میڈیا کو بتایا کہ خاتون نے بائیک سوار سے تو تکار کے بعد کرایہ ادا کرنے یا ہیلمٹ واپس کرنے سے انکار کر دیا جس سے کشیدگی مزید بڑھ گئی۔
تاہم اب انڈیا ٹوڈے نے واقعے کی ایک خصوصی فوٹیج کا حوالہ دیتے ہوئے بتایا ہے کہ شاید خاتون نے ڈرائیور کو پہلے تھپڑ مارا تھا جس کے بعد ڈرائیور نے بھی اس پر حملہ کیا۔
