The news is by your side.

Advertisement

کراچی : 8 سال کا موٹر سائیکل چور بچہ باپ کے ساتھ گرفتار

کراچی : پولیس نے موٹر سائیکل چوری کرنے کے جرم میں ملوث8سالہ کمسن بچے اور اس کے باپ کو گرفتار کرلیا، ملزم واردات کیلئے بچے کو ساتھ لے کر جاتا تھا۔

کراچی کے علاقے سعید آباد میں علاقہ مکینوں نے موٹرسائیکل چوری کرنے والے باپ بیٹے کو پکڑلیا اور تشدد کے بعد پولیس کے حوالے کردیا۔

اس حوالے سے پولیس حکام نے اے آر وائی نیوز کو بتایا کہ8سال کا کمسن بچہ باپ کے ساتھ بائیک چوری کی متعدد وارداتیں کرچکا ہے، ملزم اس سے قبل بھی بائیک چوری کرنے کیلئے اپنے بیٹے کو ساتھ لے کر جاتا تھا۔

بچے نے پولیس کو بیان دیا کہ یہاں سے ایک بائیک چوری کرکے لے جارہے تھے کہ لوگوں نے پکڑ لیا، بچے کے باپ نے اپنے بیان میں کہا کہ بیٹے کو موٹرسائیکل پر بیٹھا دیکھ کر پولیس اہلکار روکتے نہیں تھے۔

پولیس کے مطابق ملزم اب تک 30سے زائد موٹرسائیکلیں چوری کرچکا ہے، ملزم چوری کرنے سے پہلے بیٹے کو موٹرسائیکل پربٹھا دیتا تھا، ملزم نعیم کے قبضے سے30موٹرسائیکلوں کے پرزے برآمد کرلئے گئے۔

Comments

یہ بھی پڑھیں