منچلے نوجوان نے موٹر سائیکل کو ایک پہیے پر چلانے کی کوشش کی تو بائیک بے قابو ہوکر کھڑی کار سے جا ٹکرائی جس کے نتیجے میں بائیک اور کار دونوں کو شدید نقصان پہنچا۔
موٹر سائیکل دیگر سواریوں کی نسبت خطرناک سواری ہے، موٹرسائیکل سوار کو دوسروں کے مقابلے میں ٹریفک قوانین پر عمل درآمد اور زیادہ احتیاط کا مظاہرہ کرنا پڑتا ہے تاکہ وہ حادثات سے محفوظ رہ سکے۔
موجودہ دور میں نوجوان نسل ون ویلنگ جیسے خوفناک مرض میں بھی مبتلا ہے۔ جس کی وجہ سے کئی نوجوان یا تو معذور ہو جاتے ہیں یا اپنی زندگی سے ہاتھ دھو بیٹھتے ہیں۔
اسی طرح کا ایک واقعہ بھارت میں بھی پیش آیا ہے، حادثے کے مناظر کیمرے کی آنکھ میں قید ہوگئے اور ویڈیو سوشل میڈیا پر وائرل ہوگئی جس میں دیکھا جاسکتا ہے کہ واقعے کے دوران خوش قسمتی سے موٹرسائیکل سوار محفوظ رہا۔
Cuando quieres impresionar pic.twitter.com/3e9vJLp94m
— El Chiki (@Elchiki_hn) January 15, 2023
ویڈیو میں دیکھا جاسکتا ہے کہ ایک عام سڑک پر دو خواتین دائیں طرف چل رہی ہیں کہ اچانک پیچھے سے ایک موٹر سائیکل سوار تیز رفتاری سے ون ویلنگ کرتا ہوا نمودار ہوتا ہے لیکن وہ موٹر سائیکل پر قابو نہیں پاسکا۔
اسی دوران وہ خواتین کے آگے تھوڑا فاصلے پر کھڑی ایک کار سے ٹکرا جاتا ہے جس کے نتیجے میں موٹر سائیکل ٹکرا کر گر جاتی ہے جبکہ سوار نوجوان قلابازی کھاتا ہوا دور جاگرتا ہے۔
حادثے کی ویڈیو سوشل میڈیا پر گردش کر رہی ہے، جس کے کیپشن میں لکھا ہے کہ جب آپ کسی کو متاثر کرنا چاہتے ہیں، نوجوان گرنے کے بعد اٹھ جاتا ہے جس سے ظاہر ہورہا ہے کہ سوار کو کوئی بڑی چوٹ نہیں آئی۔
