شوبز انڈسٹری کے معروف اداکار بلال عباس اور اداکارہ سارہ خان بھارتی ڈرامے ’عبداللہ پور کا دیوداس‘ میں اداکاری کے جوہر دکھانے کے لیے تیار ہیں۔
اداکار بلال عباس اور سارہ خان کا نیا ڈرامہ ’عبداللہ پور کا دیوداس‘ بھارتی چینل ’زندگی‘ پر نشر کیا جائے گا جس کی ہدایت کاری کے فرائض کمال انجم شہزاد نے انجام دیے ہیں۔
’عبداللہ پور کا دیود داس‘ کی کہانی شاعرانہ موضوعات، محبت اور دوستی کے گرد گھومتی ہے۔
ڈرامے کے مرکزی کردار ’فخر‘ اور ’کاشف‘ ہوں گے جنہیں بالترتیب بلال عباس اور رضا طالش نے ادا کیا جبکہ سارہ خان ڈرامے میں ’گل بانو‘ کے کردار میں دکھائی دیں گی۔
اداکار بلال عباس نے انسٹاگرام اسٹوری میں میں ڈرامے کے پوسٹرز بھی شیئر کیے ہیں جس میں سارہ خان کو دیکھا جاسکتا ہے۔
’عبداللہ پور کا دیو داس‘ کا پریمیئر فروری 2024 میں بھارتی چینل ’زندگی‘ پر ہوگا۔
واضح رہے کہ اداکار بلال عباس اور سارہ خان متعدد ڈراموں میں اداکاری کے جوہر دکھا چکے ہیں اور مداحوں کی جانب سے ان کی اداکاری کو سراہا جاتا ہے۔
