The news is by your side.

Advertisement

بلاول کا اسپیکر قومی اسمبلی پر جانبداری کا الزام

اسلام آباد: چیئرمین پاکستان پیپلز پارٹی بلاول بھٹو نے بجٹ سیشن میں حکومتی ارکان کے کم ہونے اور اسپیکر قومی اسمبلی پر جانبدار ہونے کا الزام عائد کیا ہے۔

تفصیلات کے مطابق قومی اسمبلی کے بجٹ سیشن میں خطاب کرتے ہوئے بلاول بھٹو نے کہا کہ کل اس بجٹ سیشن کا سب سے اہم دن تھا، کل پورے پاکستان نے دیکھا کہ حکومت کیلئے172ارکان دکھانا کتنا مشکل تھا، ان کے ممبرز ادھر ادھر بھاگتے رہے لوگوں کو ڈھونڈتےرہے، عامرڈوگر کی محنت اور جدوجہد کو سلام پیش کرتا ہوں جو حکومتی ارکان کو پکڑ کر ایوان میں لائے۔

بلاول بھٹو نے اسپیکر قومی اسمبلی کو مخاطب کرتے ہوئے کہا کہ آپ ہماری بات مان لیتے اور ہاؤس کی روایت برقرار رکھتے تو نمبرز تو تھے کل پوری قوم کو نظرآتا اگر آپ دھاندلی نہ کرتے تو حکومت کے پاس پورے نمبرز نہیں تھے، اسپیکر نے حکومت کو پورا موقع دیا کہ 172ارکان دکھائیں۔

بلاول بھٹو کا کہنا تھا کہ ہمارے پی پی ارکان اپنے خاندان میں فوتگی کے باوجود یہاں شرکت کیلئےآئے، بدقسمتی سے اسپیکر اور ہمارے اپوزیشن کے کچھ ہمارے ممبرز نے مایوس کیا۔

چیئرمین پیپلز پارٹی نے اسپیکر قومی اسمبلی اسد قیصر پر جانبداری کا الزام عائد کرتے ہوئے کہا کہ یہ صرف ووٹنگ کی شکایت ہے اسکےبعد آپ نےہماری ترامیم کاسلسلہ روکا، مختلف جگہوں پر آپ نے اس رول کی خلاف ورزی کی، اسپیکر گنتی کرادیتے تو پتہ چل جاتا کہ ہمارا مؤقف کیاتھا؟ بدقسمتی سے اسپیکر اپوزیشن کی گنتی کرنے کےبجائے اٹھ کر چلےگئے، ہم ویسے ہی بجٹ کومسترد کررہے تھے مگر آپ نے اتنا بھی ہمارے حق کا تحفظ نہیں کیا۔

بلاول بھٹو نے بجٹ سیشن میں خطاب کرتے ہوئے کہا کہ بچےبچےکوپتا ہے کہ اس پورے مہینے سے ہرپاکستانی کی معیشت جڑی ہے، بجٹ سیشن ختم ہوتاجارہاہےجو ہرپاکستانی کیلئےشرمندگی کا باعث ہے، پورےپاکستان کود کھائیں کون بجٹ کیساتھ اور کون خلاف ہے، پورےپاکستان کو پتاہونا چاہیےکہ یہ پاکستان کا معاشی بجٹ ہےیا تباہی کا؟

بلاول بھٹو کا مزید کہنا تھا کہ اسپیکر صاحب قوم کو بتائیں کہ اپوزیشن تنخواہوں میں اضافے کیلئےترامیم لائی تھی، جو بجٹ کی فائنل ووٹنگ کا مرحلہ تھا اس سے کا تو معلوم ہی نہیں کہ کب ہوئی؟ میں آخری ووٹ کےوقت خود اٹھااور چیلنج کیا تھا، آپ کے بجٹ پر مزاحمت ہمارا کام ہے ہم نے کرناتھا، اپوزیشن کی گنتی نہ کرنے کے عمل کی شدیدمذمت کرتاہوں۔

Comments

یہ بھی پڑھیں