کراچی: پیپلزپارٹی کے چیئرمین بلاول بھٹوزرداری کی جانب سے کراچی کے لیئے ڈیڑھ سوارب کے ترقیاتی پیکج کااعلان کردیاگیا۔
سندھ سیکریٹریٹ کراچی میں صوبائی وزیربلدیات سندھ ناصر حسین شاہ نے میڈیاکوبریفنگ دیتے ہوئے بتایاکہ ڈیڑھ سوارب کے ترقیاتی پیکج سے ایک سو اکیاسی ترقیاتی اسکیمیں مکمل کی جائیں گی۔
انکا کہنا تھا کہ ترقیاتی پیکج کی مانیٹرینگ کے لیے سیاسی جماعتوں ،سول سوسائٹی اور میڈیاکے نمائندوں پرمشتمل ٹیمیں تشکیل دی جائیں گی۔
صوبائی وزیرکاکہناتھا یہ فنڈزکراچی کی ترقی کے لیئے مختص کیئے گئے ہیں انہیں کسی کی جیب میں نہیں جانے دیا جائے گا۔
ایک سوال کے جواب میں انہوں نے کہاکہ پیپلزپارٹی کے خلاف بڑے اتحاد بنتے رہیں ہیں لیکن پیپلزپارٹی نے انکاڈٹ کرمقابلہ کیا۔
