The news is by your side.

Advertisement

بلاول بھٹو اور آصفہ بھٹو کا ملالہ کو پاکستان آمد پر خوش آمدید

کراچی : پیپلز پارٹی کے چیئرمین بلاول اور آصفہ بھٹوزرداری نے نوبل انعام یافتہ ملالہ یوسف زئی کو 6 سال بعد وطن واپس آنے پر خوش آمدید کہا۔

تفصیلات کے مطابق پیپلز پارٹی کے چیئرمین بلاول بھٹو نے سماجی رابطے کی ویب سائٹ ٹوئٹر پر ملالہ کی وطن واپسی پر خوشی کا اظہار کرتے ہوئے پیغام میں کہا ویلکم ہوم ملالہ، ہمیں اسی طرح قابل فخربناتی رہیں۔

آصفہ بھٹو زرداری نے بھی ٹوئٹر پر اپنے پیغام میں کہا ویل کم بیک ٹو پاکستان ملالہ یوسفزئی اور ضیاالدین یوسفزئی۔

یاد رہے کہ نوبل انعام یافتہ ملالہ یوسف زئی رات گئے چار روزہ دورے پر پاکستان پہنچیں تھیں، جہاں سے انہیں سخت سیکیورٹی میں ہوٹل پہنچایا گیا، ملالہ کے والدین بھی ان کے ہمراہ ہیں۔

پاکستان میں قیام کے دوران ملالہ اہم شخصیات سےملاقات اورکئی تقریبات میں شرکت کریں گی جبکہ آرمی چیف جنرل قمرجاوید باجوہ سے بھی ملاقات متوقع ہے۔


مزید پڑھیں : ملالہ یوسف زئی کی 6 سال بعد پاکستان آمد


ملالہ یوسفزئی دو اپریل کو برطانیہ واپس جائیں گی، سیکورٹی خدشات کے پیش نظر ملالہ کے دورے کوخفیہ رکھا گیا۔

ترجمان دفتر خارجہ کا کہنا ہے ملالہ یوسفزئی کووطن واپسی پرخوش آمدید کہتے ہیں، ملالہ ہمارے لئے باعث فخر ہیں۔

واضح رہے 2012 میں مینگورہ میں ملالہ یوسف زئی  پر  اسکول سے گھر جاتے ہوئے طالبان نے حملہ کردیا تھا، جس میں وہ شدید زخمی ہوئی تھیں،  ابتدائی طورپر  ملالہ کو پاکستان میں ہی طبی امداد دی گئی تاہم بعد میں انہیں برطانیہ کے اسپتال میں منتقل کردیا گیا تھا۔

امن کا نوبیل انعام حاصل کرنے کے علاوہ متعدد ایوارڈ حاصل کرنے والی 20 سالہ ملالہ اس وقت برطانیہ کی آکسفورڈ یونیورسٹی میں زیرتعلیم ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں