The news is by your side.

Advertisement

بلاول بھٹو اور مریم نواز کا ٹیلی فونک رابطہ، ساتھ جدوجہد کرنے کا عزم

سکھر: پاکستان پیپلز پارٹی کے چیئرمین بلاول بھٹو زرداری اور مسلم لیگ ن کی نائب صدر مریم نواز میں ٹیلی فونک رابطہ ہوا ہے۔

تفصیلات کے مطابق بلاول بھٹو نے مریم نواز  سے ٹیلی فونک رابطہ کیا، دونوں رہنماؤں میں سیاسی صورتحال پر تبادلہ خیال ہوا۔

ن لیگی ذرائع کے مطابق اس گفتگو میں مریم نواز کی نیب طلبی پر بھی بات ہوئی۔ اس موقع پر دونوں رہنماؤں نے مل کر سیاسی و جمہوری جدوجہد کرنے کے عزم کا اعادہ کیا۔

یاد رہے کہ آج نیب نےمریم نوازکی طلبی کاسمن جاتی امرامیں وصول کرا دیا، ادارہ برائے احتساب ٹیم نے پولیس حکام کے ساتھ جاکر جاتی امرا میں نوٹس دیا۔

مزید پڑھیں: نیب طلبی کا نوٹس، مریم نواز کو گرفتاری کا خوف

یاد رہے کہ احتساب عدالت نےمریم نوازکےسمن تعمیل کے لئےنیب بھجوائےتھے، سمن میں ہدایت کی گئی ہے کہ مریم نواز مقدمے میں حاضری کو یقینی بنائی اور ذاتی حیثیت میں لاہور کی احتساب عدالت میں پیش ہوں۔

خیال رہے کہ آج سکھر میں ورکرز کنونشن سے بات کرتے ہوئے لاول بھٹو زرداری نے کہا تھا کہ انسانی حقوق کے تحفظ پرآج پھرمل کر جدوجہدکرنی ہوگی، یہ سمجھتے ہیں کہ یہ ہمیں جیل بھیج کرڈرا لیں گے.

Comments

comments

یہ بھی پڑھیں