کراچی : چیئرمین پیپلزپارٹی بلاول بھٹو نے کیپٹن(ر)صفدرکی گرفتاری کی شدید مذمت کرتے ہوئے کیپٹن(ر)صفدرکی گرفتاری کی خبر سن کر شدید صدمہ ہوا، واقعے کی مکمل تحقیقات ہوگی۔
تفصیلات کے مطابق چیئرمین پیپلزپارٹی بلاول بھٹوزرداری اور مریم نوازکےدرمیان ٹیلی فونک رابطہ ہوا ، جس میں بلاول بھٹو نے کیپٹن(ر)صفدرکی گرفتاری کی شدید مذمت کرتے ہوئے کیپٹن(ر)صفدرکی گرفتاری کی خبرسن کر شدیدصدمہ ہوا۔
بلاول بھٹو کا مریم سے مکالمے میں کہنا تھا کہ تکلیف دہ گھڑی میں آپ کےساتھ مکمل اظہاریکجہتی کرتاہوں، رات گئےاس طرح کی گرفتاری سندھ کی روایات کےبھی منافی ہے۔
چیئرمین پی پی نے کہا سندھ حکومت کوگرفتاری سےآگاہ نہیں کیاگیا، وزیراعلیٰ سندھ کوہدایات جاری کی ہیں واقعے کی مکمل تحقیقات ہو۔
اس سے قبل مولانافضل الرحمان اور مریم نوازکے درمیان ملاقات ہوئی تھی ، ملاقات میں مولانافضل الرحمان کی کیپٹن (ر)صفدرکی گرفتاری کی مذمت کی تھی۔
واضح رہے مزارقائد تقدس پامالی کیس میں کیپٹن(ر)صفدر کو گرفتار کر لیا گیا تھا ، کیپٹن(ر)صفدرکی گرفتاری نجی ہوٹل سےعمل میں لائی گئی تھی۔
مزار قائد کے تقدس کی پامالی کامقدمہ وقاص احمد نامی شہری کی مدعیت میں مریم نواز اور کیپٹن ریٹائرڈ صفدر سمیت دو سو نامعلوم افراد کیخلاف بریگیڈ تھانے میں درج کیا گیا تھا، مقدمے میں قائداعظم مزار آرڈیننس کی خلاف ورزی جان سے مارنے اور ہنگامہ آرائی کی دفعات شامل کی گئی۔
