کراچی : پیپلزپارٹی کےچیئرمین بلاول بھٹو زرداری کا کہناہے کہ پاکستان کو قائداعظم کے وژن کے مطابق بنائیں گے۔
تفصیلات کےمطابق پیپلزپارٹی کےسربراہ بلاول بھٹوزردای کا کہناہے کہ قائداعظم محمدعلی جناح کا پاکستان بنانے کے لیے ہم سب کو ملک کر کام کرناہوگا۔
چیئرمین پاکستان پیپلزپارٹی بلاول بھٹو کا کہناہے کہ سابق صدر آصف علی زردای 27دسمبرکو کیا سرپرائز دیں گے اس کے لیے انتظار کرنا ہوگا۔
مزار قائد پر حاضری کے بعد میڈیا سے گفتگو کرتے ہوئےبلاول بھٹوزرداری کا کہنا تھا کہ روشن خیال پاکستان بابائے قوم کا خواب تھا جنہوں نے سیاسی جدوجہد کے ذریعے ہمیں آزادی دلوائی۔
انہوں نے کہا کہ فاطمہ بھٹو اور ذوالفقار جونیئر میرے خاندان کا حصہ ہیں تاہم کافی عرصے سے ان کے ساتھ رابطہ نہیں ہواتاہم ہمارے دل کے دروازے ہمیشہ ان کے لیے کھلے ہیں۔
بلاول بھٹو کے ہمراہ وزیر اعلیٰ سندھ مراد علی شاہ، ڈپٹی اسپیکر شہلا رضا ، منظور وسان ، مولا بخش چانڈیو اور دیگر ارکان سندھ اسمبلی نے بھی مزار قائد پر حاضری دی اور پھولوں کی چادر چڑھائی اور بابائے قوم کےلیے فاتحہ خوانی بھی کی۔
مزید پڑھیں:پیپلزپارٹی2018 کے انتخابات میں کامیاب ہوگی،مرادعلی شاہ
واضح رہے کہ اس سے قبل مزار قائد پر میڈیا سے گفتگو کرتے ہوئے مرادعلی شاہ کاکہناتھا کہ سابق صدر آصف علی زرداری کی وطن واپسی سے مخالفین کو پریشانی ضرور ہوئی ہے۔
