کراچی: چیئرمین پاکستان پیپلز پارٹی بلاول بھٹو زرداری نے وفاقی وزیر داخلہ چوہدی نثارکو قانونی نوٹس بھجوانے کی ہدایت کردی.
تفصیلات کے مطابق پاکستان پیپلز پارٹی کے سربراہ بلاول بھٹو زرداری نے اپنے خلاف الزامات پر وفاقی وزیرداخلہ چوہدری نثار کے خلاف قانونی چارہ جوئی کا فیصلہ کرتے ہوئے وکلاء کو لیگل نوٹس بھجوانے کی ہدایات جاری کر دی ہیں.
ذرائع کے مطابق پاکستان پیپلزپارٹی کی جانب سے آئندہ چنددنوں میں وفاقی وزیر داخلہ چوہدری نثارکو لیگل نوٹس بھجوا دیا جائے گا.
یاد رہےکہ چند روزقبل چوہدری نثار نے پریس کانفرنس کے دوران کہا تھا کہ بلاول اور ماڈل ایان علی کے ایک ہی اکاونٹ سے ٹکٹ کی ادائیگی کا الزام لگایا تھا.
واضح رہے انہوں نے کہا تھا کہ میری اور پیپلزپارٹی کی صلح کے لیے ایک ذمہ دار شخص آیا اور کہا کہ آپ کی اور پی پی میں صلح ہوسکتی ہے لیکن اس نے ایان علی کو بری کرنے اور ڈاکٹر عاصم کی رہائی کی شرط عائد کی تھی.
