The news is by your side.

Advertisement

رمضان میں شیطان بند ہوجاتا ہے، کل بنی گالہ کا شیطان بند کردینگے، بلاول بھٹو

پی پی چیئرمین بلاول بھٹو زرداری نے کہا ہے کہ رمضان میں شیطان بند ہوجاتا ہے اور کل بنی گالہ کا شیطان بند کردینگے۔

پی پی پی چیئرمین بلاول بھٹو زرداری نے اسلام آباد میں پریس کانفرنس کرتے ہوئے کہا ہے کہ رمضان میں شیطان بند ہوجاتا ہے اور کل بنی گالہ کا شیطان بند کردینگے۔ کل سحری نئے پاکستان میں ہوگی اور افطار تک ہم پرانے پاکستان میں داخل ہوچکے ہونگے۔

بلاول بھٹو کا کہنا تھا کہ انشااللہ کل سےہم عوام کے مسائل کا حل نکالنے کا آغاز کرینگے، کل سے نئےسفر کی شروعات کرینگے، انتخابی اصلاحات کرکےشفاف انتخابات کرائیں گے، عوام کا فیصلہ ہوگا کہ وہ کس کو منتخب کرتے ہیں۔ اب سلیکٹڈ نہیں بلکہ الیکٹڈ سرکار حکومت بنائے گی۔

پی پی چیئرمین کا مزید کہنا تھا کہ وقت آگیا ہے کہ موجودہ حکومت کی رخصتی کی جائے، کئی بار کہا عمران خان باوقار طریقہ اپنالیں، عمران خان کو اسپورٹس مین اسپرٹ دکھانی چاہیے، شکست نظر آرہی ہے تو شکست مان لیں اور استعفیٰ دیں۔

انہوں نے کہا کہ ہارا ہوا شخص کوشش کریگا کہ ملک میں بدامنی اور تصادم ہو لیکن کل عدم اعتماد پر ووٹنگ پرامن انداز میں ہونی چاہیے۔

بلاول بھٹو نے کہا کہ آج عام آدمی شدید پریشان ہے لوگوں کو تبدیلی کے نام پر امید کی کوئی کرن نظر نہیں آرہی، آئی ایم ایف ڈیل کی وجہ سے مشکلات ہیں، ہر صوبے سے تعلق رکھنے والوں نے 3 سال موجودہ رجیم کا مقابلہ کیا، میڈیا کی آزادی پر حملے برداشت کرنے والوں کو مبارکباد دینا چاہوں گا۔

Comments

یہ بھی پڑھیں