پاکستان پیپلز پارٹی کے چیئرمین بلاول بھٹو زرداری نے کہا ہے کہ ہم ایسی کوئی بھی ترمیم لانا نہیں چاہتے جس میس کسی کو لوٹا بنانا ہو۔
اے آر وائی نیوز کے مطابق چیئرمین پیپلز پارٹی بلاول بھٹو کی زیر صدارت اعلیٰ سطح اجلاس ختم ہوگیا۔ ذرائع نے بتایا کہ اجلاس میں پارٹی چیئرمین نے گفتگو کرتے ہوئے کہا کہ ہم ایسی کوئی ترمیم لانا نہیں چاہتے جس میں کسی کو لوٹا بنانا ہو۔
بلاول بھٹو نے کہا کہ ترامیم پبلک کی ہیں اور سب کو اعتماد میں لے رہے ہیں۔ میں مولانا فضل الرحمان سے دوبارہ ملاقات کروں گا اور وہ مان جائیں گے۔
دوسری جانب ذرائع نے کہا کہ اجلاس میں اس بات پر اتفاق کیا گیا کہ آئینی ترامیم کو سپورٹ کرینگے۔ اس حوالے سے پارٹی قیادت نے اراکین کو ہدایت کرتے ہوئے کہا ہے کہ پارٹی کی پالیسی آئینی ترامیم پر واضح ہے۔ کوئی رکن پارٹی پالیسی کی خلاف ورزی نہیں کرے گا۔
وزیر اعظم اور بلاول بھٹو کی آئینی ترمیم پر مولانا فضل الرحمان کے اعتراض دور کرنے کی کوشش
