اسلام آباد : چیئرمین پیپلز پارٹی بلاول بھٹو کا کہنا ہے کہ آئینی عدالتوں کے قیام کابانی پی ٹی آئی سے تعلق نہیں، جیل بھیجنا آئینی عدالتوں کا کام نہیں۔
تفصیلات کے مطابق چیئرمین پیپلز پارٹی بلاول بھٹو نے ایک انٹرویو میں کہا لگتا تھا جے یوآئی کےساتھ ہم ایک پیج پر تھے، پھر جے یوآئی کے اعتراضات آئے تو ان کے تحفظات دور کرنے کی کوشش کی، آج بھی کوشش ہے جے یوآئی کے ساتھ مل کر صاف اورشفاف آئینی ترامیم لےکرآئیں۔
چیئرمین پی پی کا کہنا تھا کہ اگر جےیوآئی سے مشاورت کامیاب نہیں ہوتی تو بھی نمبرز پورے کرنے کی کوشش کریں گے۔
انھوں نے کہا کہ آئینی عدالتوں کے قیام کا بانی پی ٹی آئی سے کوئی تعلق نہیں، جیل بھیجنا آئینی عدالتوں کا کام نہیں۔
اس سے قبل چیئرمین پیپلزپارٹی کا کہنا تھا کہ بانی پی ٹی آئی کو اپنی ذات کے سوا بھی سوچنا چاہیے،پی ٹی آئی چاہتی ہے کہ عدالتی نظام چلے نہ ہی پارلیمان چلے، صدور، وزرائے اعظم کی تقاریر دیکھیں سب نے عدالتی اصلاحات کی بات کی ہے۔
