The news is by your side.

Advertisement

بلاول بھٹو کا دہرا معیار، آج کے دہشت گرد حملے کی مذمت، محسن داوڑ کے پروڈکشن آرڈر پر اصرار

اسلام آباد: پیپلز پارٹی کے چیئرمین کا دہرا معیار عیاں ہوگیا، خر کمرچیک پوسٹ پرمحسن داوڑکے حملے کو مسترد کرنے والے بلاول بھٹو نے شمالی وزیرستان میں فوج پردہشت گرد حملے کی مذمت کر دی.

تفصیلات کے مطابق بلاول کی جانب سے وزیرستان میں دہشت گرد حملے کی مذمت کرتے ہوئے کہا گیا ہے کہ آج پھر ایک جوان وطن پر قربان ہوگیا.

بلاول بھٹوزرداری کے مطابق قوم شہید جوان کےاہل خانہ کےغم برابرکی شریک ہے، دھرتی پر جان قربان کرنے والے جوان ہمارے ہیرو ہیں، قربانیوں سے قائم امن دہشت گرد پھرچھیننا چاہتے ہیں.

انھوں نے کہا کہ انتہا پسندی، دہشت گردی کے خاتمے تک ہمارے حوصلے بلند ہیں، پیپلز پارٹی دہشت گردی کے خلاف جنگ میں پاک افواج کے ساتھ ہے.

مزید پڑھیں: شمالی وزیرستان: پاک فوج کی گاڑی پر فائرنگ، بارودی سرنگ کا دھماکا، سپاہی شہید

خیال رہے کہ بلاول بھٹونے خرکمرچیک پوسٹ پرمحسن داوڑکے حملے کو مسترد کیا تھا، البتہ محسن داوڑکے پروڈکشن آرڈرپر اصرار کیا تھا.

البتہ آج انھوں نے اسی نوع کے واقعے پر یکسر مختلف ردعمل اختیار کرتے ہوئے بویا میں سپاہی کو شہید کرنے والے نامعلوم افراد کی مذمت کی اور پاک فوج سے اظہار یک جہتی کیا.

Comments

comments

یہ بھی پڑھیں