اسلام آباد: چیئرمین پیپلزپارٹی بلاول بھٹو نے مادرملت محترمہ فاطمہ جناح کو خراج عقیدت پیش کرتے ہوئے کہا فاطمہ جناح دھرتی کی عظیم بیٹی اور قائداعظم کی تصویر تھیں ، پیپلز پارٹی بطور جماعت فاطمہ جناح کی جدوجہدکاتسلسل ہے۔
تفصیلات کے مطابق چیئرمین پیپلزپارٹی بلاول بھٹو نے برسی کے موقع پر مادرملت محترمہ فاطمہ جناح کو خراج عقیدت پیش کرتے ہوئے کہا فاطمہ جناح دھرتی کی عظیم بیٹی اورقائداعظم کی تصویرتھیں، فاطمہ جناح کی بھائی کی معاونت بےمثال ثبوت ہے۔.
بلاول بھٹو کا کہنا تھا کہ فاطمہ جناح نےنظریہ جمہوریت کی حفاظت کیلئےآمروقت کوللکارا، پیپلزپارٹی بطورجماعت فاطمہ جناح کی جدوجہد کا تسلسل ہے۔
مزید پڑھیں : مادرِ ملت محترمہ فاطمہ جناح کو ہم سے جدا ہوئے 52 سال ہوگئے
خیال رہے مادر ملت محترمہ فاطمہ جناح کی باونویں برسی آج منائی جارہی ہے، مادر ملت کی کوششوں کا ہی نتیجہ تھا کہ جدوجہد پاکستان میں مسلمان عورتوں نے بھی مردوں کے شانہ بشانہ قابل تعریف خدمات انجام دیں۔
بانی پاکستان قائد اعظم کی بہن فاطمہ جناح عزم و ہمت کا پیکر تھیں، انھوں نے تحریک پاکستان میں خواتین کوبیدارکرنےمیں اہم کردارادا کیا۔
