The news is by your side.

Advertisement

ن لیگ والے ٹھنڈا پانی پیئں اور لمبے لمبے سانس لیں، بلاول بھٹو

کراچی : چیئرمین پیپلزپارٹی بلاول بھٹو زرداری نے کہا ہے کہ ن لیگ والوں کو کہوں گا کہ ٹھنڈا پانی پیئں اور لمبے لمبے سانس لیں، اپوزیشن لیڈر شپ ہمارا حق ہے کسی کو اعتراض نہیں ہونا چاہئے۔

کراچی میں پریس کانفرنس سے خطاب کرتے ہوئے ان کا کہنا تھا کہ ن لیگ کا اپوزیشن لیڈر کا امیدوار بہت ہی متنازع تھا،میں کیسے اپنے ارکان کو یہ کہتا کہ یوسف رضا گیلانی کو ووٹ نہ دیں۔

پریس کانفرنس کے دوران بلاول بھٹو زرداری نے اے این پی اور جماعت اسلامی کا شکریہ بھی ادا کیا انہوں نے کہا کہ چیئرمین سینیٹ الیکشن کے خلاف ہماری جدوجہد جاری ہے، پولنگ ڈے پر سینیٹ ہاﺅس کو پولیس اسٹیشن میں تبدیل کیا گیا، پارلیمنٹ کی بالادستی پیپلزپارٹی زیادہ کوئی نہیں سمجھ سکتا۔

چیئرمین پیپلزپارٹی نے چیئرمین سینیٹ کے انتخاب کیخلاف اسلام آباد ہائی کورٹ کے فیصلے پر نظرثانی اپیل دائر کرنے کا اعلان کرتے ہوئے کہا کہ جب عدالت میرٹ پر مقدمہ سنے گی تو جیت ہماری ہوگی۔

بلاول بھٹو نے کہا کہ میں ن لیگ والوں کو کہوں گاٹھنڈا پانی پیئں لمبے لمبے سانس لیں ،پارلیمان میں حکومت کو شکست دینا پی ڈی ایم کی کامیابی ہے،پارلیمان سے شکست دلوانے والاآپشن درست ثابت ہوا۔

ان کا کہناتھا کہ پی ڈی ایم کو نقصان نہیں پہنچانا چاہتا، اپوزیشن متحد رہے گی تو حکومت کو نقصان پہنچا سکے گی، انہوں نے کہا کہ سلیکٹڈ کا لفظ میں نے دیا جانتا ہوں کس پر استعمال ہو سکتا ہے کس کیلئے نہیں ،میں سمجھتا ہوں اپوزیشن کا کوئی نقصان نہیں ہوا۔

بلاول بھٹو نے کہا کہ اسٹیٹ بینک سے متعلق آرڈیننس غیرقانونی ہے، یہ آرڈیننس پاکستان کی خودمختاری پر حملہ ہے ،ہم چاہتے ہیں اسٹیٹ بینک اپنی مختاری کے ساتھ فیصلے کرے ،ہم اس آرڈیننس کو ہر فورم پر چیلنج کریں گے۔

Comments

یہ بھی پڑھیں