The news is by your side.

جلد انتخابات سے ملک و قوم کو کیا فائدہ ہوگا؟ بلاول بھٹو

کراچی : وزیر خارجہ بلاول بھٹو زرداری نے کہا ہے کہ صرف عمران خان کی ضد پر قبل از وقت انتخابات کیوں کروائیں؟ جلد انتخابات سے ملک و قوم کو کیا فائدہ ہوگا؟

یہ بات انہوں نے غیرملکی نیوز چینل الجزیرہ کو خصوصی انٹرویو دیتے ہوئے کہی، ان کا کہنا تھا کہ قبل از وقت انتخابات کا فائدہ صرف عمران خان کو ہی ہوگا۔

چیئرمین پیپلزپارٹی بلاول بھٹو نے کہا کہ تمام اسمبلیاں اپنی مدت پوری کریں گی، پاکستان کے پارلیمانی نظام کیلئے یہی بہتر ہے کہ الیکشن مقررہ وقت پر ہوں۔ میرا نہیں خیال جلد الیکشن سے جمہوریت کو کوئی فائدہ ہوگا۔

بلاول بھٹو کا کہنا تھا کہ میں نے بھی عمران خان کے دور حکومت میں لانگ مارچ کیا اور جلد الیکشن کا مطالبہ کیا تھا لیکن عمران خان نے جلد الیکشن کا مطالبہ نہیں مانا۔

انہوں نے بتایا کہ تحریک عدم اعتماد سے عمران خان کی حکومت ختم کی اب وہ جلد الیکشن کی ضد کررہا ہے، عمران خان کو یہ حقیقت تسلیم کرلینی چاہیے کہ عدم اعتماد سے ہی ان کی حکومت گئی۔

وزیر خارجہ نے کہا کہ عمران خان نے سازشی تھیوریز گھڑیں مگر اب دنیا یہ حقیقت جان چکی ہے، پی ڈی ایم اتحاد تقسیم کے بجائے ملکی اتفاق کی واضح مثال ہے۔

ایک سوال کے جواب میں ان کا کہنا تھا کہ الیکشن وقت پر ہوں گے، سیٹ ایڈجسٹمنٹ کا آپشن کھلا ہے، پیپلز پارٹی ہم خیال جماعتوں کے ساتھ سیٹ ایڈجسٹمنٹ کرے گی۔

Comments

یہ بھی پڑھیں