The news is by your side.

Advertisement

خدا آپ کو ہمیشہ اپنی والدہ کافخر بنائے رکھے، بلاول بھٹو کا بختاور بھٹو کو سالگرہ پر پیغام

کراچی : پیپلز پارٹی کے چیئرمین بلاول بھٹو زرداری نے اپنی بہن بختاور بھٹو زرداری کو سالگرہ کی مبارک باد دیتے ہوئے کہا خدا آپ کو ہمیشہ اپنی والدہ کا فخر بنائے رکھے۔

تفصیلات کے مطابق پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ٹوئٹر پر اپنی بہن بختاور بھٹو زرداری کی سالگرہ کے موقع پر اپنے پیغام میں کہا بختاورکسی براجمان وزیراعظم کےیہاں جنم لینے والی پہلی اولادتھیں، انھوں نے اپنی زندگی کے پہلے دن سے تاریخ بنانا شروع کی۔

بلاول بھٹو کا کہنا تھا کہ بختاور بھٹو کو ان کی سالگرہ کی مبارک باد دیتا ہوں، خدا آپ کو ہمیشہ اپنی والدہ کافخر بنائے رکھے۔

یاد رہے بختاور بھٹو زرداری آج اپنی 30 ویں سالگرہ منا رہی ہے، وہ 25 جنوری 1990 کو پاکستان کے صوبے سندھ میں پیدا ہوئیں ، وہ پاکستان کی سابق وزیر اعظم محترمہ بے نظیر بھٹو اور پاکستان کے سابق صدر آصف علی زرداری کی سب سے بڑی بیٹی جبکہ پاکستان پیپلز پارٹی کے بانی ذو الفقار علی بھٹو کی نواسی ہیں۔

بختاور بھٹو زرداری سوشل میڈیا پر اپنی سیاسی اور دلچسپ سرگرمیوں کی وجہ سے خاصی متحرک ہیں۔

fb-share-icon0
Tweet 20

Comments

comments

یہ بھی پڑھیں