The news is by your side.

Advertisement

عمران خان دراصل میاں صاحب کا تسلسل ہیں: بلاول بھٹو

منڈی بہاؤالدین: پیپلزپارٹی کے چیئرمین بلاول بھٹو کا کہنا ہے کہ عمران خان دراصل میاں صاحب کا تسلسل ہیں، عمران خان اور میاں صاحب صرف اپنی ذات کے لئے اقتدار چاہتے ہیں.

ان خیالات کا اظہار بلاول بھٹو نے منڈی بہاؤالدین میں‌ ممبرسازی مہم کی تقریب سے خطاب کرتے ہوئے کیا۔ ان کا کہنا تھا کہ پیپلزپارٹی نے ہمیشہ عوام کی سیاست کی ،عوام کےفیصلوں کو مانا ہے.

خلائی مخلوق میاں صاحب کی مدد کرے، تو بھلائی مخلوق ہوجاتی ہے، مدد نہ کرے، تو پھرخلائی مخلوق بن جاتی ہے.

بلاول بھٹو

انھوں نے کہا کہ ن لیگ کی حکومت نے ملک کی زراعت کو تباہ کردیا، کسان اور کاشت کار پانچ سال میں تباہ ہوچکے ہیں، بڑے اور مہنگے منصوبوں سے ملک ترقی نہیں کرتا، امیروں کو زیادہ امیر بنانے سے ملک خوش حال نہیں ہوتا.

بلاول بھٹو نے کہا کہ بدقسمتی سے ن لیگ یہی کچھ کررہی ہے، کسان خوش حال نہیں ہے، ن لیگ کی حکومت کس منہ سے ترقی اور خوش حالی کی بات کرتی ہے.

انھوں‌ نے پی ٹی آئی چیئرمین پر تنقید کرتے ہوئے کہا کہ خان صاحب دو دو گھنٹے تقریر کرتے ہیں، مگر کام کی کوئی بات نہیں کرتے، صرف ہوائی فائر کرتے ہیں، میں یہ کروں گا، میں وہ کروں گا۔

پیپیلزپارٹی کے چیئرمین نے کہا کہ خان صاحب یہ بتائیں، کیا نیا خیبر پختونخواہ بنایا؟ خان صاحب نے خیبر پختونخواہ میں حکومت کرکے کچھ نہیں کیا.

ان کا کہنا تھا کہ عمران خان اور میاں صاحب اقتدارکے بھوکے ہیں۔ خلائی مخلوق میاں صاحب کی مدد کرے، تو بھلائی مخلوق ہوجاتی ہے، مدد نہ کرے، تو پھرخلائی مخلوق بن جاتی ہے.

بلاول بھٹو کا کہنا تھا کہ میری طاقت عوام ہیں، میں ان کےلئے آگے بڑھتا رہوں گا، ان کی نظر اقتدار اور میری نظر عوامی فلاح و بہبود پر ہے، یہ ذاتی مفاد کے لیے سودا کرلیتے ہیں، میں عوامی مسائل کی جنگ لڑرہا ہوں۔

انھوں نے کہا کہ میں‌ منڈی بہاؤالدین ممبرشپ مہم کے سلسلے میں آیا ہوں، پھر آؤں گا اور الیکشن مہم چلاؤں گا، ہم صرف دعوے یا باتیں نہیں کرتے. یقین ہے منڈی بہاؤالدین کے لوگ بھٹو کی طرح میرابھی ساتھ دیں گے.


آئینی لحاظ سے الیکشن میں تاخیر کا کوئی راستہ نظر نہیں آ رہا: بلاول بھٹو


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں