اسلام آباد: پیپلز پارٹی کے چیئرمین بلاول بھٹو زرداری کا کہنا ہے کہ نوابشاہ کے عوام کو بجٹ کے عمل میں نمائندگی سے محروم رکھا جا رہا ہے، تاریخ میں پہلی بار 4 گرفتار ارکان کو قومی اسمبلی میں پیش نہیں کیا گیا۔
تفصیلات کے مطابق پاکستان پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایک سال تک تعاون اور بغیر سزا آصف زرداری کو گرفتار کیا گیا، اقدام بجٹ کو رگ کرنے کے لیے تھا۔
Despite 1yr of cooperation, no flight risk & no conviction President Zardari has been arrested so govt can rig budget. People of Nawabshah deprived of their right to be represented in budget process. First time in the history of Pakistan 4 members arrested & not produced for NA.
— BilawalBhuttoZardari (@BBhuttoZardari) June 19, 2019
بلاول بھٹو کا کہنا تھا کہ گزشتہ روز ایوان میں آصف زرداری کے پروڈکشن آرڈر کا مطالبہ کیا گیا، جرم ثابت ہونے تک بے قصور ہونا حق ہے مراعت نہیں۔
انہوں نے کہا کہ نوابشاہ کے عوام کو بجٹ کے عمل میں نمائندگی سے محروم رکھا جا رہا ہے، تاریخ میں پہلی بار 4 گرفتار ارکان کو قومی اسمبلی میں پیش نہیں کیا گیا۔
I must appreaciate MQM for speaking up for democratic constitutional right regardless of political differences. On the floor of the house yesterday they demanded the production order of President Zardari. Innocent until proven guilt is a right not a privilege.
— BilawalBhuttoZardari (@BBhuttoZardari) June 19, 2019
خیال رہے کہ گزشتہ روز بلاول بھٹو نے اعلان کیا تھا کہ بجٹ کو منظوری سے روکنے کے لیے اپوزیشن کمیٹی بنائے گی۔ حکومت دھاندلی سے بجٹ منظور کروانے کی کوشش کر رہی ہے۔
انہوں نے کہا تھا کہ آصف زرداری سمیت دیگر کے پروڈکشن آرڈر جاری نہیں کیے جا رہے، پروڈکشن آرڈر کے لیے لکھے گئے دوسرے خط میں حکومتی اتحادیوں کے بھی دستخط ہیں۔
