لاہور : چیئرمین پاکستان پیپلزپارٹی بلاول بھٹو زرداری نے کہا ہے کہ موجودہ نااہل سیاستدانوں نے ملک کو مشکلات میں ڈال دیا، 5 دسمبر کو پی پیپلز پارٹی کا یوم تاسیس اسلام آباد میں منایاجائے گا، تمام کارکنان پریڈ گراؤنڈ پہنچیں۔
ان خیالات کا اظہار انہوں نے اپنے ویڈیو پیغام میں کیا، انہوں نے کہا کہ ملک کے موجودہ حالات قوم کے سامنے ہیں، حکمرانوں نےقرضوں کیلئےملکی اثاثوں کو گروی رکھ دیا، ملک بھر کی دولت صرف چند خاندانوں تک محدود ہو کر رہ گئی ہے۔
بلاول بھٹو زرداری کا مزید کہنا تھا کہ ملک میں ہر سال30ہزار نوجوان بیروزگاری کا حصہ بن جاتے ہیں، 50سال قبل اور آج کے حالات میں کوئی فرق نہیں۔
ان کا کہنا تھا کہ جیالوں اور عوام کے بنا 50 سال کا یہ سفر ممکن نہیں تھا جبکہ محترمہ شہید نے ذوالفقاربھٹو کی روایات برقراررکھیں۔
مزید پڑھیں: گزشتہ دنوں ریاست کو گھٹنے ٹیکتے دیکھا، بلاول بھٹو
گولڈن جوبلی جلسے کیلئے اپنے ویڈیو پیغام میں انہوں نے بتایا کہ 5 دسمبر کوپی پی پی کا یوم تاسیس اسلام آباد میں منایا جائیگا، تمام جیالے 5 دسمبرکو ثابت کردیں گے کہ ہم موجود ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
