واشنگٹن: وزیر خارجہ بلاول بھٹو نے دورۂ امریکا کے دوران نیشنل پریئر بریک فاسٹ میں شرکت کی، اور اردن کی ملکہ رانیہ سے ملاقات بھی کی۔
تفصیلات کے مطابق وزیر خارجہ پاکستان بلاول بھٹو کا دورہ امریکا جاری ہے، گزشتہ رات واشنگٹن میں وزیر خارجہ نے نیشنل پریئر بریک فاسٹ میں شرکت کی۔
بلاول بھٹو نے اس حوالے سے ایک ٹویٹ میں لکھا کہ انھیں اردن کی ملکہ رانیہ کے ساتھ بین الاقوامی ظہرانے میں بات کرنے کا اعزاز حاصل ہوا۔
تقریب سے خطاب کرتے ہوئے وزیر خارجہ نے کہا کہ بین المذاہب ہم آہنگی اتحاد کی قوت ہے، ہمیں انفرادی اور اجتماعی طور پر بین المذاہب آہنگی پر زور دینا چاہیے۔
Pleased to attend the National Prayer Breakfast, honored to speak at the international luncheon along with Queen Rania of Jordan on need for interfaith harmony and the power of faith as a force of unity. Grateful to the organizers for honoring my mother Shaheed Benazir Bhutto. pic.twitter.com/xRWTP2DWvE
— BilawalBhuttoZardari (@BBhuttoZardari) February 3, 2023
تقریب میں سابق وزیر اعظم شہید بینظیر بھٹو کو خاص طور پر خراج تحسین پیش کیا گیا، جس پر وزیر خارجہ بلاول بھٹو نے منتظمین کا شکریہ ادا کیا۔
