پاکستانی سفارتی وفد کے سربراہ بلاول بھٹو نے لندن میں نوازشریف کیلئے پھولوں کا تحفہ بھجوا دیا۔
بلاول بھٹو نے برطانیہ سے یورپ روانگی سے قبل نیک خواہشات کیساتھ نوازشریف کے لیے پھول بھیجے۔ پاکستان ہائی کمیشن کےعملے نے پھول ایون فیلڈ ہاؤس پہنچائے۔
چیئرمین پیپلزپارٹی بلاول بھٹو زرداری نے لندن میں 3روز تک قیام کیا جس میں انہوں نے پارلیمنٹ، تھنک ٹینکس اور میڈیا سے ملاقاتیں کیں۔
بلاول بھٹو پاکستان ہاؤس اور پاکستان ہائی کمیشن بھی گئے جب کہ انہوں نے برطانوی دفتر خارجہ کا بھی دورہ کیا۔
بلاول بھٹو اور وفد نے برطانوی پارلیمنٹ کےاسپیکر سے بھی ملاقات کی تاہم مصروفیات کی وجہ سے وہ نوازشریف سے ملاقات نہ کرسکے،
بلاول بھٹو نے یورپ روانگی سے قبل نوازشریف کی صحتیابی کی دعا کیساتھ پھولوں کا تحفہ بھیجا۔
