اسلام آباد: وزیر خارجہ پاکستان بلاول بھٹو نے امریکی کانگریس کے پاکستان کاکس کو دورہ پاکستان کی دعوت دے دی۔
تفصیلات کے مطابق وزیر خارجہ بلاول بھٹو نے گزشتہ رات امریکی کانگریس کے پاکستان کاکس سے ویڈیو لنک پر خطاب کرتے ہوئے کہا کہ وہ پاکستان کا دورہ کریں اور ہمارے ساتھ پاک امریکا تعلقات کا پچھتر سالہ جشن منائیں۔
انھوں نے کہا پاکستان میں غیر ملکی سرمایہ کاری کے وسیع مواقع موجود ہیں، پاکستانی کمیونٹی دونوں ملکوں کے تعلقات میں اہم کردار ادا کر رہی ہے۔
چیئر پرسن پاکستان کاکس شیلا جیکسن لی نے جلد پاکستان کا دورہ کرنے کا اعلان کیا، انھوں نے کہا پاکستانی معیشت کے لیے کاکس آئی ایم ایف کو خط لکھیں گے۔ شیلا جیکسن لی نے وزیر خارجہ بلاول بھٹو کو دورہ ہیوسٹن کی دعوت بھی دی۔
FM @BBhuttoZardari lauded the recent momentum in bilateral engagement on climate change, energy, health, security and trade. He expressed desire to further deepen bilateral ties particularly through economic cooperation.
— Spokesperson 🇵🇰 MoFA (@ForeignOfficePk) June 30, 2022
وزیر خارجہ بلاول نے موسمیاتی تبدیلی، توانائی، صحت، سلامتی اور تجارت پر دوطرفہ مصروفیات میں حالیہ رفتار کو سراہا۔
انھوں نے خاص طور پر اقتصادی تعاون کے ذریعے دوطرفہ تعلقات کو مزید گہرا کرنے کی خواہش کا اظہار کیا، بلاول نے دونوں ممالک کے درمیان عوام سے عوام، کاروبار سے کاروبار اور پارلیمانی رابطوں کی ضرورت پر زور دیا۔
