The news is by your side.

Advertisement

بلاول بھٹو زرداری کا احتجاج کرنے والے کسانوں کی حمایت کا اعلان

چیئرمین پیپلزپارٹی بلاول بھٹو زرداری نے لاہور میں جاری کسانوں اور محکمہ صحت کے ملازمین کے احتجاج پر تشویش کا اظہار کرتے ہوئے واضح کیا ہےکہ مظاہرین کے مطالبات تسلیم نہ کیے گئے تو پیپلزپارٹی مظاہرین کے ہمراہ احتجاج میں شامل ہوجائے گی۔

بلاول ہاؤس سے جاری بیان میں چیئرمین پیپلزپارٹی نے حکومت پنجاب کے رویے پر شدید تنقید کرتے ہوئے کہا ہے کہ پنجاب حکومت ماضی کی تاریخ دہرانے سے باز رہے اور غریبوں کا معاشی طور پر قتل عام فوری طور پر بند کرے۔

مزید پڑھیں : کسانوں کا پنجاب اسمبلی کے سامنے دھرنا، 1 کسان جاں بحق

انہوں نے مزید کہا کہ حکومت پنجاب ماضی کی روایت کو برقرار رکھتے ہوئے غریبوں کا ذریعہ معاش ختم کر رہی ہے، پنجاب حکومت کے پاس اورنج لائن منصوبے کے لیے تو اربوں روپے کا بجٹ ہے مگر کسانوں اور غریبوں کو ریلیف دینے  کے لئے کچھ نہیں ہے۔

مظاہرے میں گرمی کے باعث جاں بحق ہونے والے کسان سمیع اللہ کے انتقال پر اظہار افسوس کرتے ہوئے بلاول بھٹو زدرای کا کہنا تھا کہ ’’ شدید گرمی کے باوجود کسان اپنے جائز حقوق مانگنے کے لیے سڑکوں پر موجود ہیں، مظاہرے میں موجود بیشتر کسانوں کا تعلق جنوبی پنجاب کے مختلف علاقوں ملتان، کبیروالا، لودھراں سے ہے۔

بلاول بھٹو زرداری نے حکومت پر واضح ہے کہ اگر حکومتِ پنجاب نے کسانوں کے مطالبات تسلیم نہ کیے تو پیپلزپارٹی ان کے حقوق کی جدوجہد میں شامہ ہوجائے گی، چیئرمین پیپلزپارٹی نے پنجاب آرگنائزنگ کمیٹی کے رہنماء چوہدری منظور اور رانا فاورق مظاہرین سے اظہار یکجہتی کے لئے دھرنوں میں شرکت کی ہدایت کی ہے۔

واضح رہے پنجاب اسمبلی کے باہر بیرونِ ملک سے اشیاء کی درآمد کروانے اور فصلوں پر قیمتوں میں اضافے کے لئے جبکہ ملتان کے شہر نشتر روڈ پر واقع نشتر ہسپتال کے ایم ایس اور نرسنگ ہیڈ کے خلاف ہسپتال کی نرسوں نے احتجاج جاری رکھا ہوا ہے۔

 

Comments

comments

یہ بھی پڑھیں