کراچی: چیئرمین پیپلزپارٹی بلاول بھٹو زرداری نے پیپلزپارٹی کے امیدوار سردار محمد بخش مہر کے لیے نیک خواہشات کا اظہار کیا ہے۔
تفصیلات کے مطابق سماجی رابطے کی ویب سائٹ ٹویٹر پر پیپلزپارٹی کے سربراہ بلاول بھٹو زرداری نے اپنے پیغام میں کہا کہ گھوٹکی کے بھائی بہنوں سے اپیل کرتا ہوں ووٹ ڈالیں۔
چیئرمین پیپلزپارٹی نے پیپلزپارٹی کے امیدوار سردار محمد بخش مہر کے لیے نیک خواہشات کا اظہار کرتے ہوئے کہا کہ انشااللہ جیت تیر کی ہوگی۔
پیپلزپارٹی کے سربراہ نے اپنے پیغام میں مزید کہا کہ انتخابی مہم نے گھوٹکی کی سیاست کوہمیشہ کے لیے بدل دیا، نتیجہ کچھ بھی ہو مجھے انتخانی مہم پرفخر ہے۔
Good luck #PPP candidate @SardarMBuxMahar @SardarMahar3 . Inshallah Jeet #Teer Ka. Appeal to my brothers & sisters in Ghotki; come out & vote for a candidate who can stand up to Selected govt. No matter results Im proud of the campaign that has changed Ghotki politics forever. pic.twitter.com/pIG9fmQjba
— BilawalBhuttoZardari (@BBhuttoZardari) July 23, 2019
گھوٹکی میں این اے 205 پرضمنی الیکشن کیلئے پولنگ جاری
واضح رہے کہ این اے دو سو پانچ میں ضمنی الیکشن کے لیے پولنگ کا عمل جاری ہے ، پیپلزپارٹی کے سردار محمد بخش مہر اور آزاد امیدوار احمد علی مہر مد مقابل ہے ، نشست سردارعلی محمدمہرکےانتقال کے باعث خالی ہوئی تھی۔
این اے 205 میں دوسونوے پولنگ اسٹیشن بنائے گئے ہیں جس میں ایک سو پچیس انتہائی حساس قراردیاگیا ہے، پولنگ اسٹیشنز پرسیکیورٹی سخت ترین انتظامات کیے گئے ہیں۔
