دنیا کے دولت مند افراد کی فہرست میں شامل بل گیٹس نے سابق اہلیہ میلنڈا فرنچ سے علیحدگی پر پچھتاوا ہونے کا اعتراف کر لیا۔
غیر ملکی میڈیا کی رپورٹس کے مطابق بل گیٹس نے سابق اہلیہ سے طلاق کے حوالے سے چونکا دینے والا انکشاف کیا۔ مائیکرو سافٹ کے سابق ایگزیکٹو اور میلنڈا فرنچ کی شادی 27 سال بعد 2021 میں ختم ہوئی تھی۔
برطانوی اخبار ’ٹائمز آف لندن‘ سے بات کرتے ہوئے بل گیٹس نے کہا کہ میں نے میلنڈا فرنچ کی حوصلہ افزائی کی کہ وہ اپنی ماں کی نسبت تھوڑی پرسکون رہیں۔
یہ بھی پڑھیں: بل گیٹس کی صحت کا کیا راز ہے؟
’میں نے اپنے والد کے مقابلے میں بچوں کے ساتھ زیادہ وقت گزارا لیکن یہ تناسب اب بھی 10:1 تھا، سابق اہلیہ بچوں کیلیے زیادہ کام کرتی تھی اور ہم نے بہت اچھا وقت گزارا۔‘
انہوں نے اعتراف کرتے ہوئے کہا کہ پوری زندگی کو ایک شخص کے ساتھ گزارنا ایک کمال ہے، جب میلنڈا فرنچ اور میں ملے تو اُس وقت میں کامیاب شخص تھا لیکن یہ اس وقت تھا جب ہم ساتھ تھے۔
’انہوں نے مجھے بہت کچھ دیکھا۔ جب ہم نے طلاق لینے کا فیصلہ کیا تو یہ بہت مشکل تھا اور پھر انہوں نے فاؤنڈیشن چھوڑنے کا فیصلہ کیا۔ مجھے مایوسی ہوئی کہ سابق اہلیہ نے جانے کا فیصلہ کیا۔‘
جب بل گیٹس سے پوچھا گیا کہ کیا ان کی طلاق ہی واحد چیز ہے جس پر انہیں افسوس ہے تو ان کا کہنا تھا کہ اگر بات کی جائے تو یہ میری فہرست میں سب سے اوپر ہے، فہرست میں دوسری چیزیں بھی ہیں لیکن اُن سے کوئی فرق نہیں پڑتا۔
