The news is by your side.

Advertisement

بل گیٹس نے دوبارہ سابقہ اہلیہ سے شادی کی خواہش کا اظہار کردیا

لندن: مائیکرو سافٹ کے شریک بانی بل گیٹس نے سابق اہلیہ میلنڈا کے ساتھ دوبارہ شادی کرنے کا خواہش کا اظہار کیا ہے۔

دی سنڈے ٹائمز کو دیئے گئے انٹرویو میں بل گیٹس نے کہا کہ ان کی شادی شدہ زندگی بڑی اچھی تھی، تاہم بچوں کے بڑے ہونے اور گھر چھوڑنے کے بعد ہر شادی تبدیلیوں سے گزرتی ہے اور ہمارے معاملے میں تبدیلی طلاق تھی.

بل گیٹس کا کہنا تھا کہ میں کسی اور سے شادی کا انتخاب نہیں کروں گا، انہوں نے کہا کہ میری مستقبل کے حوالے سے کوئی پلاننگ نہیں ہے لیکن اگر شادی ہوئی تو میلنڈا کا انتخاب کروں گا۔

خیال رہے کہ بل گیٹس اور میلنڈا نے 27 سال ساتھ گزارنے کے بعد گزشتہ سال مئی میں عیلحدگی کا اعلان کیا تھا۔

رواں سال مارچ میں میلنڈا نے بھی اعتراف کیا تھا کہ وہ طلاق کے بعد بھی ایک دوسرے کے دوست ہیں اور ان کے درمیان ورکنگ ریلیشن شپ جاری ہے۔

Comments

یہ بھی پڑھیں