امریکی گلوکارہ بِلی آئلش کے کیلی فورنیا میں واقع گھر میں گھسنے والے مشکوک شخص کو گرفتار کرلیا گیا، مشکوک شخص کو اندر جاتا دیکھ کر علاقے کے ایک شخص نے پولیس کو اطلاع دی۔
بین الاقوامی ویب سائٹ کے مطابق امریکی پاپ سنگر بِلی آئلش کے گھر میں گھسنے والے مشکوک شخص کو گرفتار کرلیا گیا ہے۔
پولیس حکام کا کہنا ہے کہ ہائی لینڈ کے قریب واقع گلوکار کے گھر کی دیوار ایک کالے کپڑے پہنے شخص نے پھلانگی تاہم علاقے کے کسی شخص نے دیکھ کر پولیس کو اطلاع کر دی۔
لاس اینجلس پولیس کے سربراہ روساریو سروینٹس کا کہنا ہے کہ پولیس ٹیم اطلاع پر حرکت میں آئی اور 9 بجے کے قریب گھر پر پہنچی اور مشکوک شخص کو گرفتار کر لیا۔
علاقے کے لوگوں کا کہنا ہے کہ یہ بلی آئلش کا آبائی گھر ہے جہاں گلوکارہ نے اپنے بہن بھائیوں اور والدین کے ساتھ بچپن گزارا تاہم اب وہ وہاں پر نہیں رہتیں، جائیداد کے ریکارڈ سے یہ بات ظاہر ہوتی ہے کہ وہ اب بھی اسی خاندان کی ملکیت ہے۔
سات بار گریمی ایوارڈ یافتہ بلی آئلش نے 2019 میں لیٹ لیٹ شو کے میزبان جیمز کارڈن کے ساتھ اپنے اس گھر اور محلے کا دورہ کیا تھا اور دونوں نے ایک ساتھ گانا بھی گایا تھا۔
