The news is by your side.

Advertisement

پاکستان میں دھاندلی کی روک تھام کے لئے پہلی باربائیومیٹرک مشین کااستعمال

اسلام آباد: پاکستان میں انتخابات میں دھاندلی پرقابو پانے کے لئے الیکشن کمیشن نے پہلی بار بائیومیٹرک مشینیں استعمال کرنے کا فیصلہ کرلیا ہے۔

تفصیلات کے مطابق بائیومیٹرک الیکشن کا تجربہ این اے 19 ہری پور میں کیا جائے گا جہاں 16 دسمبر کو ضمنی انتخابات کا انعقاد ہورہا ہے۔

الیکشن کمیشن کی مطابق ضمنی انتخابات میں بائیومیٹرک مشینیں استعمال کرنے کے لئے نادرا کے تعاون سے تیاریاں مکمل کرلی گئیں ہیں۔

الیکشن کمیشن کے مطابق این اے 19 کے دو درجن پولینگ اسٹیشنوں پر بائیومیٹرک مشین نصب کی جائے گی۔

این اے 19 میں بائیو میٹرک ووٹنگ کے تجربے کی کامیابی کے بعد دیگر علاقوں میں ہونے والے ضمنی انتخابات میں بھی بائیومیٹرک ووٹنگ کا تجربہ کیا جائے گا اور کامیابی کی صورت میں آئندہ عام انتخابات میں بائیومیٹرک طریقے سے عوام کی رائے لی جائے گی۔

Comments

comments

یہ بھی پڑھیں